Vipanchika Death ദുബായ്: ‘ഇനിയും എന്‍റെ പൊന്നുമക്കളുടെ മൃതദേഹങ്ങൾ വെച്ച്​ കളിക്കാൻ ഞങ്ങൾ തയ്യാറല്ല. കാരണം ഇതൊരു മത്സരമല്ല. ഹൃദയം നുറുങ്ങുന്ന വേദന കടിച്ചമർത്തി അവസാനം എല്ലാത്തിനും സമ്മതം മൂളുകയായിരുന്നു. കാരണം തന്‍റെ പൊന്നോമനകൾ മരണത്തിന്‍റെ കൈപ്പിടിച്ചിട്ട്​ പത്ത്​ ദിവസം പിന്നിട്ടിരിക്കുന്നു. രണ്ട്​ പേരും ഫ്രീസറിന്‍റെ തണുപ്പിൽ മരവിക്കുകയാണ്​​’.- ഷാർജയിൽ ആത്​മഹത്യ ചെയ്ത മലയാളി യുവതി വിപഞ്ചികയുടെ മാതാവ്​ ഷൈലജയുടെ വാക്കുകള്‍. എല്ലാം ഇവിടെ അവസാനിക്കുകയാണ്. അമ്മയും മകളും ഇനി രണ്ടിടത്ത്​ അന്ത്യവിശ്രമം കൊള്ളും. വിപഞ്ചികയുടെ മൃതദേഹം നാട്ടിലും മകൾ വൈഭവിയുടെത്​ ഷാർജയിലും സംസ്കരിക്കും. ദുബായ് ഇന്ത്യൻ കോൺസുലേറ്റിൽ നടന്ന ചർച്ചയിലാണ്​ തീരുമാനമായത്.​ ശേഷം മാധ്യമങ്ങളോട്​ വിശദീകരിക്കുകയായിരുന്നു ഷൈലജ. മനസിന്​ വലിയ വിഷമമുണ്ട്​. പക്ഷെ, ഇനിയും സംസ്​കാരം വൈകുമെന്നതിനാലാണ്​ എല്ലാം സമ്മതിച്ചത്​. നിയമത്തെ ബഹുമാനിക്കുന്നു. വിപഞ്ചികയുടെ പോസ്റ്റ്​പോർട്ടം പൂർത്തിയായിട്ടുണ്ട്​. മൃതദേഹം ഉടൻ നാട്ടിലെത്തിക്കാൻ കഴിയുമെന്നാണ്​ വിശ്വാസം. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/E0Zj0gmloiGFnDLCXxx6Ek വൈഭവിയുടെ മുഖം ഇതുവരെ കാണാൻ പോലും കഴിഞ്ഞിട്ടില്ലെന്നതാണ്​ ഏറ്റവും വലിയ വിഷമം. അവളുടെ സഹോദരൻ വിനോദ്​ കാനഡയിലായിരുന്നതിനാൽ അവനും അവളുടെ മുഖം ഇതുവരെ കണ്ടിട്ടില്ല. ആരോടും ഒരു എതിർപ്പുമില്ല. കുഞ്ഞിന്‍റെ മൃതദേഹം വെച്ച്​ മത്സരിച്ച്​ ഒന്നും നേടാൻ ഇല്ല. അച്ഛന്‍റെ അവകാശങ്ങളെല്ലാം മാനിക്കുന്നു. വിപഞ്ചിയുടെ മരണം ആത്മഹത്യ തന്നെ എന്നാണ്​ ​പോസ്റ്റുമോർട്ടം റിപോർട്ട്​. യുഎഇ നിയമത്തിൽ പൂർണ വിശ്വാസമാണ്​. ഇനി റീപോസ്റ്റ്​മോർട്ടം വേണ്ട. എന്നാൽ, നാട്ടിലെ നിയമപോരാട്ടം തുടരും. അനുകമ്പയുടെ വാക്കുപോലും നിധീഷിന്‍റെ കുടുംബത്തിന്‍റെ ഭാഗത്തു നിന്ന്​ ഉണ്ടായിട്ടില്ല, ഷൈലജ പറഞ്ഞു. വൈഭവിയുടെ സംസ്കാരത്തിൽ പ​ങ്കെടുക്കാൻ അനുവദിക്കാമെന്ന്​ നിധീഷിന്‍റെ കുടുംബങ്ങൾ അറിയിച്ചിട്ടുണ്ട്​. നടപടിക്രമങ്ങൾ പൂർത്തിയാക്കി എത്രയും വേഗം മകളുടെ മൃതദേഹം നാട്ടിൽ സംസ്കരിക്കണമെന്നും അമ്മ പറഞ്ഞു.