ദുബായ്: ദുബായിൽ വരുന്നു മറ്റൊരു മാൾ. രണ്ടുനിലയിലുള്ള റീട്ടെയിൽ, ലൈഫ്‌സ്‌റ്റൈൽ മാളിന്റെ പേര് നാദ് അൽ ഷെബ ഗാർഡൻസ് എന്നാണ്. നിക്ഷേപക സ്ഥാപനമായ ഷമാൽ മാളിന്റെ പദ്ധതികൾ അനാച്ഛാദനം ചെയ്തു. ധാരാളം റസ്റ്റോറന്റുകളും കടകളും ഇനി ഈ ഒരൊറ്റ കുടക്കീഴിൽ ദുബായ് നിവാസികൾക്ക് അനുഭവിക്കാം. ഡൗൺടൗൺ ദുബായിൽ നിന്ന് ഏകദേശം 10 മിനിറ്റ് അകലെയുള്ള പുതിയ നാദ് അൽ ഷെബ ഗാർഡൻസ് റെസിഡൻഷ്യൽ ഡെവലപ്‌മെൻ്റിൻ്റെ ഭാഗമായിരിക്കും ഈ മാൾ. കൂടാതെ ഡിഐഎഫ്സി, ബിസിനസ് ബേ, മെയ്ദാൻ എന്നിവിടങ്ങളിൽ എളുപ്പത്തിൽ എത്തിച്ചേരാനാകും. പ്രീമിയം ബ്രിട്ടീഷ് സൂപ്പർമാർക്കറ്റായ വെയ്റ്റ്റോസ് ഈ മാളിൽ ഒരു സ്ഥാനം പിടിച്ചേക്കും. മാൾ പാർപ്പിട സൗകര്യത്തിന് സേവനം നൽകുന്നതോടൊപ്പം പ്രവാസികൾക്കും സന്ദർശിക്കാം. റസ്റ്റോറന്റുകൾ, ആരോ​ഗ്യം, ഫിറ്റ്നസ് പോയിന്റുകൾ, മീറ്റിങ് പോയിന്റുകൾ എന്നിവ ഉൾപ്പെടെ നിരവധി സേവനങ്ങൾ മാളിൽ ലഭ്യമാകും. വിനോദം, ശാരീരികക്ഷമത, വിശ്രമം എന്നിവയ്‌ക്കുള്ള വിപുലമായ സൗകര്യങ്ങളും വിദ്യാഭ്യാസ കാമ്പസും നടപ്പാതകളും സൈക്ലിംഗ് ട്രാക്കുകളും ഈ മാളിൽ ഉണ്ടാകും. മൂന്ന് മുതൽ ഏഴ് വരെ കിടപ്പുമുറി വില്ലകളും ടൗൺ ഹൗസുകളും ഉള്ള 1.5 ദശലക്ഷം ചതുരശ്ര മീറ്ററിലുള്ള റെസിഡൻഷ്യൽ ഇടമായിരിക്കും ഈ മാൾ. പുതിയ മാൾ താമസക്കാരുടെ ഒരു കേന്ദ്ര മീറ്റിംഗ് പോയിൻ്റായി പ്രവർത്തിക്കുമെന്ന് ഷമാലിന്റെ സിഇഒ അബ്ദുല്ല ബിൻഹാബ്‌തൂർ വിശ്വസിക്കുന്നു. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/CZYi1c6PCafCIJaUmZ5eY5