New Parking System Dubai Malls ദുബായ്: ദുബായിലെ ഏറ്റവും പ്രശസ്തമായ ഷോപ്പിങ് കേന്ദ്രങ്ങളായ മാൾ ഓഫ് ദി എമിറേറ്റ്‌സും സിറ്റി സെന്‍റർ ദെയ്‌റയും ഈ വർഷം ആദ്യം ‘തടസങ്ങളില്ലാത്ത’ പാർക്കിങ് സംവിധാനം അവതരിപ്പിച്ചു. സേവന ദാതാവായ പാർക്കിൻ പറയുന്നതനുസരിച്ച്, പ്രവേശനവും പുറത്തുകടക്കലും കാര്യക്ഷമമാക്കുക, ഉപഭോക്താക്കൾക്ക് സുഗമമായ പാർക്കിങ് അനുഭവം നൽകുക എന്നിവയാണ് ഈ നവീകരണത്തിലൂടെ ലക്ഷ്യമിടുന്നത്. എന്നാൽ, അനാവശ്യ പിഴകൾ ഒഴിവാക്കാൻ, സിസ്റ്റം എങ്ങനെ പ്രവർത്തിക്കുന്നെന്നും എങ്ങനെ പണമടയ്ക്കാമെന്നും നോക്കാം… വാഹനം എത്ര സമയം പാർക്ക് ചെയ്തിട്ടുണ്ടെന്ന് ട്രാക്ക് ചെയ്യുന്നതിന് പാർക്കിങ് സിസ്റ്റം ഓട്ടോമാറ്റിക് നമ്പർ പ്ലേറ്റ് റെക്കഗ്നിഷൻ (ANPR) സാങ്കേതികവിദ്യ ഉപയോഗിക്കുന്നു. ഏത് മാളിൽ പ്രവേശിച്ചാലും ക്യാമറകൾ നമ്പർ പ്ലേറ്റ് സ്കാൻ ചെയ്ത് പ്രവേശന സമയം രേഖപ്പെടുത്തുന്നു. പുറത്തുകടക്കുമ്പോൾ, എത്ര സമയം താമസിച്ചെന്ന് സിസ്റ്റം പരിശോധിക്കുന്നു. സൗജന്യ പാർക്കിങ് കാലയളവ് കവിഞ്ഞിട്ടുണ്ടെങ്കിൽ, വാഹനവുമായി ലിങ്ക് ചെയ്‌തിരിക്കുന്ന മൊബൈൽ നമ്പറിലേക്ക് പേയ്‌മെന്റ് വിശദാംശങ്ങൾ സഹിതം ഒരു അറിയിപ്പ് അയയ്‌ക്കും. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/KpmqRbHQBz88D2o8Opt0Oe പാർക്കിൻ ആപ്പ് അല്ലെങ്കിൽ വെബ്സൈറ്റ് (parkin.ae) വഴി പാർക്കിങിന് പണമടയ്ക്കാം. പേയ്‌മെന്റ് രീതികളിൽ ഇവ ഉൾപ്പെടുന്നു – ആപ്പിൾ പേ, ക്രെഡിറ്റ്/ഡെബിറ്റ് കാർഡുകൾ, പാർക്കിൻ വാലറ്റ് (ആപ്പിലെ ഒരു ഡിജിറ്റൽ വാലറ്റ്). പാർക്കിങ് നിരക്കുകൾ- മാൾ ഓഫ് ദി എമിറേറ്റ്സ്- സൗജന്യമായി: 4 മണിക്കൂർ വരെ, 20 ദിർഹം: 4 മുതൽ 5 മണിക്കൂർ വരെ,
40 ദിർഹം: 6 മുതൽ 7 മണിക്കൂർ വരെ, 80 ദിർഹം: 7 മുതൽ 8 മണിക്കൂർ വരെ, 100 ദിർഹം: 8 മണിക്കൂറിൽ കൂടുതൽ, 200 ദിർഹം: രാത്രി പാർക്കിംഗ് (രാവിലെ 2 മുതൽ രാവിലെ 6 വരെ). മാൾ ഓഫ് ദി എമിറേറ്റ്‌സ് കാർ പാർക്കിലൂടെ വാഹനമോടിക്കുന്നതിന് മൂന്ന് ദിർഹം ഫീസ് നൽകണം. സിറ്റി സെന്റർ ദെയ്‌റ- സൗജന്യമായി: 3 മണിക്കൂർ വരെ, 20 ദിർഹം: 3 മുതൽ 4 മണിക്കൂർ വരെ, 40 ദിർഹം: 4 മുതൽ 5 മണിക്കൂർ വരെ, 60 ദിർഹം: 5 മുതൽ 6 മണിക്കൂർ വരെ, 100 ദിർഹം: 6 മുതൽ 7 മണിക്കൂർ വരെ, 150 ദിർഹം: 7 മണിക്കൂറിൽ കൂടുതൽ, 350 ദിർഹം: രാത്രി പാർക്കിംഗ് (രാവിലെ 4 മുതൽ 6 വരെ). മാൾ ഓഫ് ദി എമിറേറ്റ്സ്: തിങ്കൾ മുതൽ വെള്ളി വരെ 4 മണിക്കൂർ വരെ സൗജന്യ പാർക്കിങ് ലഭ്യമാണ്. സിറ്റി സെന്റർ ദെയ്‌റ: തിങ്കൾ മുതൽ ശനി വരെ 3 മണിക്കൂർ വരെ സൗജന്യ പാർക്കിങ് ലഭ്യമാണ്. അധിക സൗജന്യ പാർക്കിങ് ആനുകൂല്യങ്ങൾ: മാൾ ഓഫ് ദി എമിറേറ്റ്‌സിൽ, VOX സിനിമാസും സ്കീ ദുബായ് സന്ദർശകർക്കും രണ്ട് സൗജന്യ മണിക്കൂർ അധികമായി ലഭിക്കും.