അബുദാബി ദുബായ് പോലീസ് ഉദ്യോഗസ്ഥനെ ശാരീരികമായി ആക്രമിച്ച് നിരവധി പരിക്കുകളുണ്ടാക്കിയയാൾക്ക് രണ്ട് മാസത്തെ തടവ് ശിക്ഷ. ഇതിനുശേഷം ഇയാളെ നാടുകടത്തും. ഈ വര്‍ഷം മാര്‍ച്ച് 29നാണ് സംഭവം നടന്നത്. രണ്ടുപേര്‍ പ്രശ്നം പറഞ്ഞുതീര്‍ക്കാന്‍ പോലീസ് സ്റ്റേഷനിലെത്തിയപ്പോഴാണ് സംഭവം വേറെ രീതിയിലായത്. പ്രതിയോട് ചോദ്യം ചെയ്യലിനായി അന്വേഷണ മുറിയിലേക്ക് പോകാൻ ആവശ്യപ്പെടുകയും സ്വകാര്യ വിവരങ്ങള്‍ പോലീസ് ചോദിക്കുകയും ചെയ്തു. എന്നാല്‍, മറുപടി നല്‍കാന്‍ പ്രതി കൂട്ടാക്കിയില്ല. യുഎഇയിലെ വാർത്തകളും ജോലി ഒഴിവുകളും തത്സമയം അറിയുവാൻ വാട്സ്ആപ്പ് ഗ്രൂപ്പിൽ അംഗമാകുക https://chat.whatsapp.com/FEGyCcuaPc2LXexgoWh68A പ്രകോപിതനായ പ്രതിയെ ചുമതലയിലുള്ള പോലീസ് ഉദ്യോഗസ്ഥന്‍ ശാന്തനാക്കാൻ ശ്രമിക്കുകയും അയാളുടെ ഐഡൻ്റിറ്റി സ്ഥിരീകരിക്കുന്നതിനായി അയാളുടെ സ്വകാര്യ വിവരങ്ങൾ ആവശ്യപ്പെടുകയും ചെയ്തു. അത് പ്രതി നൽകാൻ വിസമ്മതിച്ചു. എന്നാല്‍, പ്രതി കൂടുതൽ പ്രകോപിതനായതോടെ രംഗം വഷളായി. നിലത്തുകിടന്ന് കരയുകയും വിവരങ്ങള്‍ നല്‍കാന്‍ വിസ്സമ്മതിക്കുകയും ചെയ്തു. തുടർന്ന്, ആ മനുഷ്യൻ ഓഫീസിന് പുറത്തേക്ക് ഇറങ്ങിപ്പോയി. ഉദ്യോഗസ്ഥൻ പ്രതിയെ അന്വേഷണ മുറിയിലേക്ക് തിരികെ കൊണ്ടുപോകാൻ ശ്രമിച്ചപ്പോൾ, പ്രതി ബലമായി എതിർക്കുകയും ഉദ്യോഗസ്ഥനെ ചവിട്ടുകയും അക്രമാസക്തമായി നീങ്ങുകയും ചെയ്തു. ഉദ്യോഗസ്ഥൻ്റെ വലതുകൈയിലെ ചെറുവിരലിന് പരിക്കേല്‍ക്കുകയും വലതുചെവിയിൽ മുറിവേല്‍ക്കുകയും ചെയ്തു. എന്നാല്‍, പിന്നീട് പ്രതിയെ കീഴ്പ്പെടുത്തി. ദുബായ് ക്രിമിനൽ കോടതിയിൽ നടന്ന വിചാരണയ്ക്കിടെ, പോലീസ് ഉദ്യോഗസ്ഥനെ ബലപ്രയോഗത്തിലൂടെ എതിർത്തതായും പരിക്കേൽപ്പിച്ചതായും പ്രതി കുറ്റം സമ്മതിച്ചു. ജയിൽ ശിക്ഷയ്ക്ക് ശേഷം ഇയാളെ നാടുകടത്തും.